Atópase en : PORTADA

PORTOS DE GALICIA ADXUDICA O BRAS DE MELLORA DE PANTALÁNS EN RIBADEO, CELEIRO, CARIÑO E BOIRO escrito por Redacción    Mércores, 28 Novembro 2007 A Consellería de Política Territorial, Obras Públicas e Transportes, a través de Portos de Galicia, ven de adxudicar por un importe de preto de 470.000 euros as obras de mellora de pantaláns dos portos de Ribadeo, Celeiro, Cariño e Escarabote (Boiro), segundo publica hoxe o Diario Oficial de Galicia. Estas actuacións teñen por obxecto a mellora das instalacións de atraque, así como a correcta ordenación das embarcacións nestes portos a partir dos pantaláns existentes. No caso dos portos pertencentes á Zona Norte de Portos de Galicia (os de Ribadeo, Celeiro e Cariño), o prazo de execución das obras é de sete meses, mentres que no de Escarabote é de tres meses. Ler máis...   AMPLIASE O PRAZO DE VACINACIÓN CONTRA A GRIPE ATA O 14 DE DECEMBRO escrito por Redacción    Mércores, 28 Novembro 2007 A Consellería de Sanidade vén de ampliar o prazo da Campaña de Vacinación Antigripal e Antipneumocócica ata o vindeiro 14 de decembro inclusive, posto que a relativamente baixa actividade gripal aínda fai posible que a adquisición de anticorpos sexa efectiva. Os motivos que levaron a tomar esta decisión aos técnicos da Dirección Xeral de Saúde Pública fundaméntanse en dous aspectos: por unha banda, na bonanza climatolóxica a nivel de temperaturas que houbo en semanas pasadas, o que puido provocar un retraso na cidadanía á hora de acudir a vacinarse; e, por outra, na relativamente baixa actividade gripal que hai ata o de agora. Ler máis...   TRABALLO PROMOVERÁ EN 2008 O PROGRAMA "EMPREGO CON APOIO" PARA PERSOAS CON DISCAPACIDADE SEVERA escrito por Redacción    Martes, 27 Novembro 2007 A Consellería de Traballo promoverá en 2008 o programa Emprego con apoio para incorporar ao mercado laboral ás persoas con discapacidade máis severa á empresa ordinaria. Para este fin, o departamento que dirixe Ricardo Varela subvencionará a contratación de persoal de apoio dos traballadores discapacitados. O director xeral de Promoción do Emprego da Consellería de Traballo, Álvaro Ansias Bacelar, apuntou esta mañá que o acceso a un emprego digno “é o mellor medio para lograr a plena integración social das persoas con discapacidade, nas mesmas condicións laborais que o resto dos traballadores galegos”. Ler máis...   O SÁBADO COMEZA EN SILLEDA A SELECCIÓN PARA AUXILIARES DA XUNTA CON 9731 ASPIRANTES escrito por Redacción    Martes, 27 Novembro 2007 O vindeiro sábado, día 2 de decembro, realizarase no Recinto Feiral de Silleda Silleda o primeiro exercicio dun proceso selectivo para o ingreso no grupo D do corpo auxiliar da Xunta de Galicia. Admitiranse un total 9.731 aspirantes, 9.288 deles para o sistema xeral e os restantes 443 para a cota de reserva de discapacitados. Este primeiro exercicio da fase de oposición realizarase nos pavillóns 1 e 2 das instalacións da Feira Internacional de Galicia a partir das 12.00 horas e non se permitirá acceder ás probas con teléfonos móbiles, con axendas ou con calquera outro tipo de dispositivo electrónico e tampouco se habilitará ningún espazo de recollida dos mesmos. Ler máis...   O LABOR DUN AXENTE FORESTAL DISTINGUIDO CUNHA MENCIÓN ESPECIAL NOS PREMIOS BATELUMES DE OURO 2007 escrito por Redacción    Martes, 27 Novembro 2007 A Consellaría do Medio Rural destacou e agradeceu o traballo desenvolvido por José Gea Martínez, un axente forestal que conseguiu unha mención especial nos premios Batelumes de Ouro 2007 polo seu labor durante máis de 35 anos na defensa e extinción de incendios forestais en Galiza. José Gea Martínez tomou posesión do seu cargo como axente forestal no ano 1975. Desempeñou o seu traballo ao servizo da natureza en diversas actividades relacionadas coa protección, xestión e control dos recursos ambientais da comarca de Caldas-Salnés. Ler máis...   UN FERIDO GRAVE E DOUS LEVES AO SAIRSE DA N-120 UNHA FURGONETA EN POBRA DE BROLLÓN escrito por Redacción    Luns, 26 Novembro 2007 M.S. de 24 anos, veciño de Quiroga (Lugo), resultou ferido grave a resultas  do accidente que sufriu a furgoneta Citroen Berlingo, matrúcula 1882FHJ, na que viaxaba como acompañante. O conductor G.K, de 31 anos e R.R., de 37, sofriron feridas leves. Todos eles eran veciños de Quiroga.   Máis... COMISADOS MÁIS DE 500 KILOS DE MARISCO E PEIXE, 137 DE VIERIA, EN DUAS SEMANAS, NAS RIAS GALEGAS << Inicio < Anterior 1 2 3 4 5 6 7 8 9 10 Seguinte > Final >> Resultados 50 - 56 de 1501 Cache Directory Unwriteable