O conselleiro do Medio Rural, Alfredo Suárez Canal, anunciou na súa visita á XXVI edición da Feira do Viño de Amandi que o seu departamento -en colaboración co de Innovación e Industria- ten presentado un acordo cos viticultores da subzona vitivinícola de Amandi para solucionar as dificultades de acceso aos bancais da ribeira do Sil. Neste momento estase estudando a posibilidade de instalar unha rede de raís para facilitar o transporte da uva dende as zonas de máis difícil acceso e, no caso de que esta opción non cubra o total dos bancais, tamén se baralla a posta en marcha dun teleférico. “Unha iniciativa que - en palabras do conselleiro-  suporá un gran paso na mellora das condicións de traballo e nos sistemas de produción vitivinícola dunha zona con grandes difilcutades orográficas”.