Atópase en : PORTADA

GALICIA CONTARÁ CON SETE NOVAS UNIDADES XUDICIAIS EN 2008 escrito por Redacción    Luns, 10 Decembro 2007 O Ministerio de Xustiza confirmou hoxe a creación de sete novas unidades en Galicia para o ano 2008: -Xulgado de Primeira Instancia nº12 da Coruña. -Xulgado de Primeira Instancia nº 5 de Pontevedra. -Xulgado de Primeira Instancia nº6 de Ourense. -Xulgado de Primeira Instancia nº6 de Santiago. -Xulgado do Contencioso-Administrativo nº2 de Lugo. -Xulgado de Primeira Instancia e Instrución nº2 da Estrada. -Unha praza de maxistrado para a Sala do Contencioso-Administrativo do Tribunal Superior de Xustiza de Galicia (TSXG). Na xuntanza participou o conselleiro de Presidencia, Administracións Públicas e Xustiza, José Luis Méndez Romeu. Para establecer as necesidades máis prioritarias da Administración de Xustiza en Galicia non só se tiveron en conta os módulos de entrada de asuntos, senón tamén outros datos como as taxas de pendencia e unha distribución das unidades xudiciais dun xeito o máis equilibrado posible tanto entre as distintas localidades de Galicia como entre os distintos niveis de órganos xudiciais. Ao longo dos anos 2006 e 2007 fóronse acometendo as necesidades consideradas urxentes polo TSXG coa creación das seguintes unidades xudiciais nos dous últimos anos: -no ano 2006, creáronse cinco novas unidades xudiciais en Santiago, Ferrol, Carballo, Ponteareas e Vigo. -no ano 2007 foron seis: dous na cidade da Coruña, e unha en Vigo, Ordes, Padrón e Cambados. Naqueles casos nos que aínda non foi posible a creación dunha nova unidade xudicial, así como naqueles outros nos que a carga de traballo o precisaba, despregouse un importante plan de equipos de reforzo e prolongacións de xornada, de xeito que só no primeiro semestre deste ano triplicouse o número de funcionarios de reforzo respecto dos aprobados polo Goberno anterior no primeiro semestre do 2005.   < Anterior   Seguinte > [Volver] Cache Directory Unwriteable